”36வது பேரவை விழாவின் போது பயணம்/விசா ஒழுங்கமைப்புக் குழுவைத் தலைமையேற்று நடத்தியதோடு நிகழ்ச்சிக் குழுவிலும் ஒரு அங்கமாக பணிபுரிந்தவர் திரு. அசோகன் தங்கராசு. தன்னார்வளராக தொண்டாற்றிய நீண்ட அனுபவம், அவர் வேலை செய்யும் பாணியில் வெளிப்டையாகத் தெரிந்தது. செய்பவற்றை திருந்தச் செய்யும் நேர்த்தி, சந்தர்ப்ப சூழ்நிலைகளுக்கு ஏற்ற தனது கருத்துக்களை ஆக்கபூர்வமான முறையில் வெளிப்படுத்தல், நேரம் காலம் பாராமல் சுயநலமற்று அர்ப்பணிப்புடன் வேலை செய்தல், மற்றும் மூலதனத்திற்கு ஏற்ற பலன் கிடைக்குமா என்று தீர யோசித்து முடிவெடுத்தல், இவருடன் சேர்ந்து வேலை செய்த காலத்தில் இவரிடம் அவதானித்த விடயங்கள். இறுக்கமான அழுத்தமான நேரங்களை பொறுமையாக நிதானமாக கையாளத் தெரிந்தவர். தன்னுடன் சேர்ந்து தன்னார்வலர்களாகப் பணியாற்றும் சக மனிதருக்கு அல்லது குழுவிற்கு ஒரு இனிமையான அனுபவத்தை கொடுக்கக் கூடியவர். இவர் எடுக்கும் முயற்சிகள் வெற்றியளிக்க எனது வாழ்த்துக்கள்.” 

மலர் அகிலன் , 36வது பேரவை விழா, இணை ஒருங்கிணைப்பாளர்.